×××؛؛؛مدري ذكرتك ولا انا مانسيتك؛؛؛×××

كنك تقول للخاطر عمـري جيتـك "
" وانا آتحرى بـس ضحكـة ثنايـاك
ياقـو قلبـك اشهـد انـي هويتـك "
" ويازين حظي يوم جبتك من اقصاك
يطري علي احيان اسمـك وصيتـك "
" واضحك على نفسي اليا حل طرياك
اقول انا وينه / اليـا مـن بغيتـك "
" رجعت اقلب في خطايـاي والقـاك
ما بين / يمكن / او / تواريخ / ليتك "
" اركيت رمحك واشتعل صمتي حكاك
ذكرتهـم وجـه الطفولـه وبيتـك "
" ونسّيتهم حـرف ٍ كتبتـه ولا جـاك
يوم الشوارع تنحنـي لـي بنيتـك "
" مابين كـراسّ المشاعـر والافـلاك
اكره دقايـق غربتـي فـي مبيتـك "
" واعشق ثواني جرحنا يـوم لقيـاك
ماكنـت احبـك مثلهـم لا سليتـك "
" كنت آتحفّظها انا / اهواك / اهـواك
ومدري ذكرتك والا انـا مانسيتـك